Ka tetë vite që është pjesë e akademisë së skuadrës franceze, Saint-Étienne, teksa tani ka nënshkruar kontratë 3 vjeçare. Bëhet fjalë për 15 vjeçarin nga Ferizaj, Albion Jetishi. Siç mëson Ferizaj24, ai është nën menaxhimin e kompanisë “Sport Entertainment Group”, ndërsa pritet të jetë një nga talentët kosovarë të së ardhmes.
Ai është pjesë e ekipit U16 të Saint-Étienne, kurse synon që në një të ardhme të afërt ta sigurojë edhe vendin në skuadrën A.
Gjithsesi, shpresojmë që gjithashtu të jetë në mbikëqyrje të autoriteteve të FFK-së, pasi një talent i tillë, mund të na ndihmojë shumë.