Loading...

Të martën në stacionin policor në Ferizaj është raportuar se një person është sulmuar nga një ujk, derisa ishte duke ruajtur bagëtinë

VIDEO

Rasti ka ndodhur pasditen e së martës në fshatin Dimcë të Hanit të Elezit, ku ujku ka sulmuar një fëmijë të moshës 5-vjeçare.

Rastin për Express e ka konfirmuar edhe Agim Gashi nga Policia e Ferizajt.

“Po është sulmuar një djalë 5-vjeçar, ka qenë duke i ruajtur bagëtitë dhe është sulmuar nga ujku”, ka thënë Gashi.

Ndërkaq Policia e Kosovës në raportin 24 orësh ka bërë të ditur se viktima ka pësuar lëndime trupore dhe është dërguar për trajtim mjekësor në emergjencën e Ferizajt.

Më pas i njëjti është dërguar në Qendrën Klinike Universitare të Kosovës për trajtim të mëtejmë mjekësor.

“Raportohet se viktima mashkull K-Shqiptar derisa ishte duke ruajtur bagëtinë, është sulmuar nga një ujk. Viktima ka pësuar lëndime trupore dhe i njëjti fillimisht ndihmën mjekësore e ka pranuar në emergjencën e Ferizajt e më pas është dërguar në QKUK për trajtim të mëtutjeshëm mjekësor”, thuhet në raportin e policisë.

Bëje LIKE dhe merr lajmin e fundit nga Ferizaj24:

Loading...



Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.