Kryetari i Komunës së Ferizajt, Agim Aliu, ka bërë të ditur se janë ndarë 10 hektarë tokë për ndërtimin e konviktit, menzës e hapësirave tjera për Universitetin e Shkencave të Aplikuara në Ferizaj, shkruan Gazeta inFokus.
Aliu ka thënë se ëshët impresionuar nga dihja dhe talenti i studentëve.
“U impresionova me dijen, talentin e studentëve por edhe përkushtimin e profesorëve të Universitetit të Shkencave të Aplikuara në Ferizaj, ku isha pjesë e panelit të diskutimit dhe vizitova gjithashtu ekspozitën me punimet e studentëve. Gjithmonë energjiplotë e motivuese vizita në USHAF, të cilëve i dhashë zotimin se Komuna do të mundësoj dhënien në shfrytëzim të truallit mbi 10 hektarë tek Parku i Lirisë për të ndërtuar Konviktin, menzën e hapësirat tjera të nevojshme për Universitetin e Shkencave të Aplikuara në Ferizaj”, ka shkruar Aliu.
