Prokuroria në Ferizaj ka ngritur aktakuzë ndaj ish kryetarit të Kaçanikut, Xhabir Zharkut.
Lajmin për KALLXO.com e ka konfirmuar mbrojtësja e tij, Albana Kelmendi.
Ish-kryetari i Kaçanikut Xhabir Zharku ishte arrestuar më 14 dhjetor të vitit të kaluar në Aeroportin e Prishtinës nën dyshimin se ka kryer dy vepra penale të shpërdorimit të pozitës zyrtare në periudha të ndryshme kohore në kohën sa ka qenë kryetar i Komunës së Kaçanikut.
Zharku kishte qëndruar në paraburgim nga 15 dhjetori i vitit të kaluar deri në qershor të këtij viti kur ishe liruar me dorëzani.
Për lirimin nga paraburgimi, Zharkut i ishte dashur që si dorëzani të paguajë shumën në vlerë prej 100 mijë eurove.
Ai ishte arrestuar në Aeroportin e Prishtinës në përpjekje për t’u larguar nga Kosova.
Kallxo.com ka raportuar për këtë rast nga fillimi i arrestimit të tij.
Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.
Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.