Kryetari i Komunës së Ferizajt, Agim Aliu ka pritur në takim ferizajasin Aldon Sadiku i shpallur nënkampion në kategorinë classic bodybuilding në Kampionatin Ballkanik të mbajtur në Rumani prej 18-20 maj të këtij viti, pjesëmarrës të së cilës ishin nga të gjitha shtetet e Ballkanit. Nënkampioni Sadiku ka falënderuar kryetarin e komunës, Agim Aliu për pritjen dhe mbështetjen që po i jep në vazhdimësi sportit dhe të rinjve të dëshmuar me suksese në arenën vendore dhe ndërkombëtare. Në anën tjetër, edhe kryetari i Ferizajt, Agim Aliu ka njoftuar detajisht me gjendjen në sportin ferizajas dhe investimet që priten të realizohen së shpejti. Në këtë kuadër, ai ka garantuar mbështetjen e sportistëve kulminant në pjesëmarrjen e tyre në gara ndërkombëtare, duke theksuar se këto suksese nuk janë vetëm suksese individuale por të rëndësishme edhe për qytetin tonë, duke e promovuar atë jashtë kufijve shtetëror.