Sektori për Hetimin e Krimeve Kibernetike në Ferizaj, pas hetimeve, ka arrestuar dje rreth orës 18:30, tre persona të cilët dyshohet se kishin hapur një faqe online, përmes të cilës kishin shitur kredit kartela, fjalëkalime, numra telefoni dhe gjëra të ndryshme. Lajmin e ka konfirmuar zëdhënësi i Policisë së Kosovës, Baki Kelani, i cila tha se me këtë rast janë sekuestruar pajisje të ndryshme. “Më datë 16.9.2020 tre persona janë arrestuar lidhur me veprën penale ndërhyrje në sistemin kompjuterik. Janë sekuesturar pajisje të ndryshme”, tha Kelani, i cili për detaje të tjera njoftoi se Policia e Kosovës do të lëshojë një komunikatë për media.