Gjykata Themelore në Ferizaj, në krye me Bashkim Hysenin, është vlerësuar si njëri prej institucioneve më të vlerësuar të drejtësisë në Republikën e Kosovës.
Kësisoj, kryetari i kësaj Gjykate, Bashkim Hyseni, është nderuar me çmim për motivacionin nga Rrejti i Organizatave joqeveritare AVONET.
“Në shenjë mirënjohje për kontributin tuaj si kryetar i Gjykatës Themelore të Ferizajt, për transparencën e publikimeve të aktgjykimeve, për përformancen më të lartë në cilësinë̈ e shërbimeve”.
Ndryshe, me 12 dhjetor të vitit të kaluar, Gjykata Themelore në Ferizaj, përkatësisht kryetari i kësaj Gjykate, ka pranuar çmimin Gjykata më Transparente në Kosovë – për dedikim të vazhdueshëm në ngritjen e transparencës përmes publikimit të aktgjykimeve, e ndarë gjatë konferencës për transparencën e Gjyqësorit e cila po organizohet nga BIRN dhe lëvizja FOL, me mbështetjen e programit të USAID – JSSP.
Ndërsa, me 13 gusht të vitit 2018, ky institucion kishte marrë nota pozitive pas prezantimit të gjetjeve të raporteve “Vlerësimi i Qytetarëve mbi Shërbimet e Gjykatave Themelore” dhe “Cilësia e shërbimeve të ofruara nga gjykatat themelore të Kosovës – sipas vlerësimit të avokatëve”.
Hulumtimet e dizajnuara dhe ndërmarrë nga Demokracia Plus për t’i mbledhur pikëpamjet e qytetarëve për performancën e 7 gjykatave themelore të Kosovës kishte vlerësuar Gjykatën e Ferizajt me shërbimet dhe top performuesin për qytetarë.
Vlen të theksohet se kryetari, Bashkim Hyseni, rrugëtimin e tij nga janari i 2021 do ta vazhdojë në Departamentin Special të Gjykatës së Apelit.
Hyseni në vitin 2017 ishte zgjedhur kryesues i asamblesë së kryetarëve të Gjykatave të Kosovës.
