Legjenda e muzikës italiane, Andrea Bocelli, është një prej emrave më të pëlqyer të muzikës në Itali, dhe jo vetëm.
Ai së shpejti do të sjellë në treg albumin e tij më të ri, pjesë e së cilit do të jetë edhe artistja shqiptare me famë ndërkombëtare, Dua Lipa.
“If Only” titullohet bashkëpunimi i tyre, që njëherësh është kënga e katër e albumit të këngëtarit, që do të mbajë titullin “Si”.
![Dua Lipa me duet super të veçantë me legjendën Andrea Bocelli, publikohet një pjesë e këngës dua lipa me duet super te vecante me legjenden andrea bocelli publikohet nje pjese e kenges - Dua Lipa me duet super të veçantë me legjendën Andrea Bocelli, publikohet një pjesë e këngës](https://ferizaj24.info/wp-content/ferizaj24/2018/10/dua-lipa-me-duet-super-te-vecante-me-legjenden-andrea-bocelli-publikohet-nje-pjese-e-kenges.jpg)
Dua Lipa dhe Andrea Bocelli me duet tejet të veçantë (Foto: Aaron Davidson/Kevork Djansezian/Getty Images/Guliver)
Ky bashkëpunim mes dyshes është përcjellë nga kamerat e BBC Radio 2, e ndërsa është publikuar një pjesë e këngës gjatë regjistrimit.
Kënga do të jetë baladë klasike, dhe do të këndohet në anglisht nga Dua, e një pjesë në italisht nga Andrea.
“If Only” do të jetë një këngë e cila do të përmbajë vlera artistike, pasi Bocelli njihet si një prej muzikantëve me zërin më të veçantë në shtetin italian.
Ndërkohë, 23-vjeçarja nga Kosova, vetëm pak ditë më parë ka sjellë edhe një tjetër bashkëpunim me grupin Black Pink, këngën e titulluar “Kiss and make up”, e cila është pritur shumë mirë nga publiku. /Telegrafi/
![Dua Lipa me duet super të veçantë me legjendën Andrea Bocelli, publikohet një pjesë e këngës dua lipa me duet super te vecante me legjenden andrea bocelli publikohet nje pjese e kenges 1 - Dua Lipa me duet super të veçantë me legjendën Andrea Bocelli, publikohet një pjesë e këngës](https://ferizaj24.info/wp-content/ferizaj24/2018/10/dua-lipa-me-duet-super-te-vecante-me-legjenden-andrea-bocelli-publikohet-nje-pjese-e-kenges-1.jpg)
Dua Lipa (Foto: Frazer Harrison/Getty Images/Guliver)