Një person ka rënë në prangat e Policisë së Kosovës për shkak se dyshohet se e ka kërcënuar me jetë babanë e tij në Ferizaj.
Sipas raportit 24-orësh të policisë, dyshohet se arsyeja e kanosjes ka qenë një mosmarrëveshje që babë e bir kanë pasur rreth një prone.
Policia njofton se i dyshuari, pas intervistimit, me vendim të prokurorit është dërguar në mbajtje.
“Ferizaj 14.10.2020 – 09:00. Është arrestuar i dyshuari mashkull/kosovar për shkak se pas një mosmarrëveshje rreth pronës e kishte kanosur të atin e tij, viktimën mashkull/kosovar. I dyshuari pas intervistimit me vendim të prokurorit është dërguar në mbajtje”, thuhet në raportin e policisë.
