Ferizaj kremton fitoren e parë të gjysmëfinales së play-off-it të Kampionatit të Kosovës në volejboll. Ferizajasit fituan në Gjilan me rezultat 3:1 (21:25, 25:23, 25:20, 25:19) ndaj Dritës. “Mungesat e mëdha, forcë për fitore! Ndeshja e parë e Play - Off fillon me fitore ndaj Dritës nga Gjilani, me rezultat 3:1. Kjo fitore është motiv shtesë për ekipin, mirëpo asgjë nuk ka mbaruar, pasi që me Dritën takohemi në ndeshjen e dytë e cila na sjell në finale. Shpresojmë që t’i kemi në parket sa më shpejt Bardhyl Hajdarajn e Driton Bytyçin që të kompletohemi si ekip, ndërsa i urojmë kthim liberos Armend Berisha”, bëhet e ditur nga kampioni në fuqi Ferizaj.