95896390 3015797078466107 5876347196093235200 o1 560x416 - Ferizaj, shtohen kontrollet policore në qytet dhe hyrje të fshatrave, do të gjobiten qytetarët që nuk respektojnë orarin e qarkullimit

Daljet e shumta të qytetarëve pa respektuar orarin e qarkullimit, pas heqjes së karantinës në Ferizaj, kanë nxitur Shtabin e Emergjencës të mblidhet sot, herët në mëngjes.

Kjo trupë e drejtuar prej të parit të Ferizajt, Agim Aliu, ku bëjnë pjesë edhe drejtues të institucioneve shëndetësore e të sigurisë mori vendim që të shtohen kontrollet e prezenca policore në qendrën e Ferizajt si dhe në hyrje kalimet e fshatrave me qëllim kontrollin e qytetarëve që nuk respektojnë kohën e qarkullimit.

Pikë tjetër që u diskutua në këtë takim ishte edhe kontrolli i bizneseve nga Inspektorati i Komunës, pas lejimit të punës së tyre, për respektimin e masave mbrojtëse, distancës fizike mes klientëve dhe kushteve të tjera të parapara në parandalimin e përhapjes së sëmundjeve ngjitëse.

Komuna e Ferizajt apelon tek qytetarët që të respektojnë orarin e qarkullimit, të mbajnë distancën fizike dhe të zbatojnë masat mbrojtëse në të kundërtën kompetentët e Policisë do të detyrohen të shqiptojnë gjoba.

Bëje LIKE dhe merr lajmin e fundit nga Ferizaj24:

Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.