Me ekspozitën kolektive të Shoqatës së Artistëve Figurativ “Zeef Kolombi”, në Galerinë e Arteve në Ferizaj, është bërë hapja solemne e “Ditëve të Kulturës”-Ferizaj 2019. Hapjen e kësaj ekspozite e bëri drejtoresha për Kulturë, Rini dhe Sport Xhemile Murati-Shabani, me ç’rast këtë aktivitete e ka vlerësuar tejet lart dhe të një rëndësie shumë të madhe për të gjithë artistët. Me këtë rast drejtoresha Xhemile Murtai-Shabani bashkë me përfaqësuesen e jurisë Laura Brahimi, publikuan edhe fituesin e kësaj ekspozite që ishte Jetullah Sylejmani nga Ferizaj. Udhëheqësi i Galerisë së Arteve, Skender Bedriu, ndau një mirënjohje të veçante për karrierë artistike, piktorit-skulptorit Emin Hasani. Po ashtu mbrëmë është shfaqur edhe shfaqja “Koprraci” në regji të Eli Nurës.