Këpucë me mbishkrimin Republika e Kosovës, janë paraqitur në Beograd, shkruan në numrin e nesërm gazeta Danas.
Në një dyqan në kryeqytetin serb po shiten këpucë për gra të kompanisë Geris nga Ferizaj.
Në etiketat e këpucëve shkruan vendi i prodhimit: Republika e Kosovës, Ferizaj, raporton KTV.
Ministri i Tregtisë në qeverinë e Serbisë, Rasim Lajiq ka thënë se mbishkrime të tilla nuk do të duhej të kishte askund në Serbi.
Ai ka thënë se do të lajmërojë Inspektoratin e Punës që të marrë masa.
Sipas shifrave zyrtare tregtia ndërmjet Kosovës dhe Serbisë këtë vit ka qenë deri tash 231 milionë euro.
