Krejt çfarë duhet të bëjnë është që të mbulojnë simbolet shtetërore, të cilën gjë duhet ta bëjnë edhe qytetarët e Serbisë që hynë në Kosovë.
Këto janë lehtësirat që u mundëson marrëveshje e arritur për tabelat mes Kosovës dhe Serbisë me 14 shtator të këtij viti.
Dren Zeka, këshilltar ministres për dialog Edita Tahiri, ka thënë për lajmi.net së marrëveshja bazohet në masën e reciprocitetit dhe më këtë qytetarëve të Kosovës u kursen kohën dhe shmangien e pritjeve në kufi.
“Për të kaluar në pikëkalimet kufitare në mes të Republikës së Kosovës dhe Serbisë qytetarëve të Kosovës nuk do të ju duhet që t’i heqin më tabelat RKS e as t’i blejnë ato ‘proba’, pra efekti i parë është heqja e këtyre tabelave që frustronin qytetarët tanë, kjo përveç tjerave do të kursej kohën dhe pritjet në kufi”.
“Poashtu kjo marrëveshje bazohet në parimin e reciprocitetit ngase ato pjesë të tabelave të veturave që Serbia do tu mbulojë veturave RKS, në të njëjtën mënyrë do tua mbulojë edhe Kosova veturave të Serbisë, pra për herë të parë do të ju kërkohet që në tabelat e tyre të mbulojnë simbolet e tyre shtetërore, edhe pse më parë ata kanë hyrë në Kosovë pa pasur nevojë ta bënin një gjë të tillë”, ka thënë Zeka për lajmi.net.
Ai ka vlerësuar se me këtë marrëveshje është mundësuar shtrirja e mëtejme e sovranitetit të Kosovës, pasi në bazë të saj do të hiqen edhe targat ilegale në komunat veriore.
“Targat ilegale që kanë ngelur aty këtu ne komunat veriore do të hiqen dhe zëvendësohen me tabela të shtetit të Kosovës, ky proces sipas marrëveshjes do të përmbyllet ne një afat prej 12 muajsh ku me s’do të ketë tabela ilegale”.
“Pra me këtë marrëveshje përveç që është arritur reciprociteti i plotë është mundësuar shtrirja e mëtejme e sovranitetit të Kosovës në komunat veriore dhe zbatimi i rendit dhe ligjit ne atë pjesë të vendit tonë”, është shprehur Zeka.
Kosova dhe Serbia kanë arritur për reciprocitet me tabela në Bruksel, me 14 shtator të këtij viti, e cila sipas zyrtarëve serb ka penguar bllokadën, kaosin dhe përshkallëzimin e dhunës.
