Kim Kardashian është e njohur për bujën që bën në rrjetet sociale përmes fotografive nudo. Mirëpo, pas dyerve të mbyllura, 37-vjeçarja është më e përmbajtur.

Ajo madje ka thënë se është turpshme dhe e tërhequr në krevat, përkundër se njihet si person shumë i hapur seksualisht në publik.

“Është vërtet interesante, sepse në shtëpi jam shumë më konservative në krahasim me personalitetin tim publik”.

“Personaliteti im publik është i egër seksual. Mirëpo, në realitet unë nuk ndihem aspak rehat kur flas për seksin dhe jam shumë më konservative kur është fjala për këtë”.

“Mund të shkoj në fotosesion dhe të jem krejtësisht lakuriqe para 50 njerëzve gjatë fotografimit, por kur jam një me një, intime në krevat, jam e turpshme dhe e pasigurt”, ka thënë bukuroshja për revistën Richardson.

Kujtojmë që Kim u bë e famshme pikërisht përmes një videoje erotike me ish-të dashurin e saj, Ray J.

Ndërsa gjatë karrierës ka pozuar lakuriqe për revista, si Playboy, Paper, W e Love. Njëherësh ajo i ka pushtuar rrjetet sociale me imazhe nudo, si edhe për nevojat e fushatës reklamuese të brendit të saj KKW Beauty.

Së fundmi ajo është zhveshur sërish duke pozuar për ballinën e revistës Richardson. /Telegrafi/