Kryetari i Komunës së Ferizajt, Agim Aliu ka shkruar se rindërtimi i hapësirave publike për të mundësuar infrastrukturën bazë për rekreacion dhe zhvillimin e talentit në sporte, është në prioritetet e tij qeverisëse. Aliu ka njoftuar se ka filluar me rindërtimin e fushës sportive në Lagjen e re, në Ferizaj. “Të njejtën brenda skemës së rinovimeve dhe funksionalitetit më të madh për qytetarët, kemi bërë edhe me renovimin e çatisë së nënkalimit kryesor dhe vendosjen e ndriçimit adekuat në funksion edhe të galerisë urbane që po ndodh për herë të parë në Ferizaj.Neve na mbetet mirëmbajtja e tyre, kurse qytetarëve t’i ruajnë ato si pronë e përbashkët në shërbim të komunitetit.”, ka shkruar Agim Aliu