Këngëtari i njohur shqiptar, Labinot Tahiri, i është gëzuar lajmit të lejimit të organizimit të ahengjeve dhe dasmave në kapacitet të 200 njerëzve.
Ai kishte bërë thirrje që nga viti i kaluar që një gjë e tillë të ndodhte, por tek sivjet këngëtarët do të kenë mundësinë që të kenë një sezon veror me koncerte.
E gjersa kjo ka filluar të ndodhë, duket se numri i personave që presin në rend për koncertet e tyre është i madh.
Këtë e ka bërë të ditur vet këngëtari ferizajas përmes një fotografie të publikuar në InstaStory, ku ka shkruar se ndjehet e lumtur që më në fund, rinia po shijojnë mbrëmjet muzikore.
Ai madje ka ironizuar duke u shprehur se “tollovia” e sotme nuk është për shkak të zgjedhjeve, siç rëndom ndodhi gjatë fushatë elektorale, por është për shkak të prezencës së një këngëtari në një mbrëmje muzikore.
“Nuk janë zgjedhjet, por prezenca jonë sonte në Ferizaj, Kosovë e Shqipërisë. Vazhdojmë në mega mbrëmjet e tjera! Faleminderit qytetarët e mi dhe të gjithë ju shqiptarë”, ka shkruar Labi në mbishkrimin e fotografisë.
Përndryshe në finalizimin e manualit për dasmat të bërë të ditur sot (e mërkurë) është bërë me dije se organizimet do të zgjasin maksimumi deri në orën 23:00.
