MTI-ja ka dërguar për analiza 15 mostra të lodrave në Amsterdam. Rezultatet brenda javës.
Dëshira është e madhe për të pasur sa më shumë lodra.
Por loja me disa prej tyre mund të jetë rrezik për fëmijët kosovarë.
Ka dyshime se shumë prj lodrave përmbajnë elementa kancerogjene.
Për këtë arsye Ministria e Tregtisë dhe Industrisë, nga marsi i këtij viti, ka marrur mostrat e 15 lodrave i ka dërguar në Amsterdam, për analiza për shkak të dyshimeve që janë ngritur.
Këtë lajm e ka konfirmuar për T7 ministri Bajram Hasani.
E në rast se këto analiza rezultojnë negative fëmijët sipas Hasanit, do të mund të mbesin pa disa lloje lodrash.
Sipas Hasanit, këto analiza do ti kushtojnë MTI-së rreth 30 mijë euro, derisa rezultatet do të bëhen publike brenda kësaj jave.
Megjithatë, këtë vendim të ministrit Hasani po e përkrahin prindërit.
Sipas të dhënave të Doganave të Kosovës vetëm brenda këtij viti në Kosovë janë futur lodra të ndryshme për fëmijë në vlerë rreth nëntë milion euro.
