Rastet e vjedhjeve nëpër dyqanet tona po bëhen të shpeshta.
Pothuajse çdo ditë adresohen ankesa nga konsumatorët për mashtrimet në çmime apo edhe për cilësinë jo të mirë të produkteve, shkruan Indeksonline.
Një lexues i Indeksonline në marketin ‘Interex’ në Mitrovicë ka treguar se si në dy produkte ka pasur mashtrim në çmim.
Ai ka treguar se si një produkt frigo në rafte ka çmimin 6 e 99 cent, ndërsa i është faturuar 7.99 cent.
Po ashtu, edhe produkti ‘amoniak’ në raft çmimi i vendosur ishte 0.79 ndërsa në arkë i është faturuar 0.89 cent.
Për këto dy mashtrime, qytetari në fjalë është ankuar tek menaxherja e marketit.
Kjo e fundit, pasi kishte parë faturat dhe çmimet reale të produkteve i kishte kërkuar falje dhe i kishte kthyer 1.30 centët.
Po ashtu, sipas konsumatorit ajo ka larguar edhe çmimet menjëherë nga raftet.
Kjo nuk është hera e parë që ndodh kështu, pasi vjedhjet nëpër dyqanet me centë janë të shumta.
Mirëpo, edhe konsumatorët kanë filluar të vetëdijesohen duke i raportuar këto raste./Indeksonline/
