Deponitë e mbeturinave në Komunën e Ferizajt pritet që shumë shpejt të marrin fund.
Inspektoriati në këtë komunë së bashku me Drejtorinë e Shërbimeve Publike si dhe me dy Kompanitë Rajonale për Mbeturina “Pastërtia” dhe “Ambienti kanë filluar t`i pastrojnë mbeturinat.
Mbi 30 pika të ndryshme të deponive me mbeturina do të pastrohen, thuhet në uebfaqen e kësaj komune.
Pastrimi i tyre do të bëhet në qytet dhe në fshatra.
Tutje, në njoftim bëhet e ditur se Drejtoria e Shërbimeve Publike dhe kompanitë mirëmbajtëse kanë vendosur edhe shenja për ndalimin e hedhjes së mbeturinave, gjithashtu do të bëhet edhe respektimi i orarit për hedhjen e mbeturinave.
Kujtojmë se KALLXO.com vazhdimisht ka raportuar për mbeturinat dhe papastërtitë në këtë qytet, por edhe në qytet tjera ku qytetarët kanë dërguar fotografi.
Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.
Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.