auto 119521478 3734193249943507 6763016650938407874 n16000998501 560x416 - Në Ferizaj ribotohet libri i parë i djegur në Evropë me vendim nga gjykata e Serbisë

Në vitin 1985 nga Klubi letrar “De Rada” i Ferizajt, në përkujdesjen e kryetarit të atëhershëm shkrimtarit Rahmi Tuda e pat botuar antologjinë letrare “14 autorë”.

Nga vetë titulli kuptojmë se në këtë antologji ishin përfshirë 14 autorë, kryesisht poetë që vepronin në komunën e Ferizajt. Mirëpo, për çudi, vepra në fjalë me vendimin e Gjykatës së Prizrenit, ku ishte shtypur libri u ndalua, me motivacion se pjesa më e madhe e autorëve të përfshirë në këtë antologji nuk janë “të përshtatshëm” për pushtetin.

Me një vendim të gjykatës pastaj libri u dogj në oborrin e gjykatës së Ferizajt. Pas kësaj ndaj sponsorit që ishte ndërmarrja “Melodia” u ndërmorën masa të rrepta. Po ashtu edhe kryetari i klubit Rahmi Tuda pati ndëshkime të shumta pse lejoi botimin e këtij libri. Edhe disa autorë që ishin të përfshirë në këtë vepër u morën në pyetje për një kohë të gjatë.

Në mesin e tyre pati edhe të tillë që u mbajtën për një kohë në izolim. Me iniciativën e kryetares së tashme të Klubit letrar “De Rada” të Ferizajt Zyrafete Shala ky libër u ribotua me financimin e Drejtorisë së Kulturës.

Duhet theksuar faktin se libri i ribotuar është tërësisht i njëjtë me librin, i cili ishte i pari që u dogj në ish-Jugosllavi dhe i cili pati bërë bujë të madhe atëherë. Qëllimi i botimit të këtij libri është që të sjellë para publikut edhe një herë krijuesit e asaj kohe.

Bëje LIKE dhe merr lajmin e fundit nga Ferizaj24:

Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.