Ministri i Infrastrukturës, Arban Abrashi, ambasadori i Italisë në Kosovë, Nicola Orlando dhe kryetari i Komunës së Ferizajt, Agim Aliu kanë nënshkruar sot kontratën për rehabilitimin e rrugës rajonale T2, Loti 2 “Hyrja në qytetin e Ferizajt”. Abrashi me këtë rast tha se ky projekt është shumë i rëndësishëm për qytetarët e Ferizajt. Ai ka falënderuar Ambasadën e Italisë për mbështetjen.
Ambasadori i Italisë në Kosovë, Nicola Orlando, me këtë rast tha se mbështetje e shtetit që përfaqëson nuk do të mungojë. Përderisa kreu i Ferizajt, Agim Aliu tha se në këtë pjesë ushtrojnë veprimtarinë numër i madh i bizneseve të cilat, sipas tij, po shpërblehen për kontributin e dhënë në arkën e shtetit, raporton EO.