Kryetari i Komunës së Ferizajit, Agim Aliu ka ndezur sot dritat e qytetit bashkë me fëmijët e Ferizajt.
Aliu përmes një postimi në Facebook, njoftoi se ka ndezur dritat ku është stolisur qendra e qytetit.
Ai uroi që viti 2021 të vij me plot shëndet, mirësi e ditë të mbara për qytetarët e komunës të cilën e drejton.
“Mijëra drita u ndezën sonte nga duart e fëmijëve, nën tingujt e muzikës festive, për ta ndriçuar gëzimplotë, qiellin e Ferizajt në prag të festave të fundvitit. Bashkë me të vegjlit dhe prindërit e tyre, ecëm sheshit kryesor të qytetit, me gëzimin e sinqeritetin që veç fëmijët mund të përçojnë, për t’i thënë lamtumirë edhe pak ditë 2020-tës e mirësevjen Vitit të Ri 2021 me përplot shëndet, mirësi, ditë të mbara e mirëqenie për çdo ferizajas”, shkroi Aliu në Facebook.
