Një bombolë gazi ka shpërthyer sot në një restorant në lagjen “The village” në Ferizaj, njofton Insajderi. Si pasojë e këtij shpërthimi ka persona të lënduar, por akoma nuk dihet numri i tyre. Lajmin e ka konfirmuar Major Qazim Reka, por i njëjti nuk ka dhënë më shumë informacione. Ai tha se për numrin e të lënduarve dhe detaje të tjera do të dalin me detaje më vonë. Në vendin e ngjarjes ka dalë Policia e Kosovës, zjarrfikësit dhe ekipi mjekësor.