“Ky nuk është një panair veturash” thotë Volvo, derisa merr pjesë në panairin e Los Angelesit

Ditë më parë, Volvo shfaqi një imazh të çuditshëm, ku sipër një telefoni shkruante ‘ky nuk është një telefon’, duke nxitur spekulime të mëdha, se çfarë donte të thoshte, transmeton Telegrafi. Prodhuesi suedez e ka zbuluar planin unik dhe të menduar për mrekulli, duke treguar për të gjithë se çfarë ka dashur të thotë.

Në këtë edicion të LA Auto Show, nuk do të prezantojë ndonjë koncept apo makinë të gatshme për prodhim, por në stendat e saj Volvo do të shfaqë shënimin “Kjo Nuk Është Një Veturë”.

“Kemi të bëjmë me një panair, jo vetëm shfaqje veturash, andaj ne do të flasin për botën e automobilizmit. Nuk do të shfaqim ndonjë koncept, por do të flasim për konceptet e veturave” ka thënë Marten Levenstam, kryesues i këtij projekti strategjik. Sipas tij, Volvo nuk do ta fitojë çmimin e ‘veturës së vitit’ këtë radhë, por do të ofrojë më shumë se që njohësit e makinave duan.

Ekspertët kryesor të kompanisë, do të tregojnë planet e partneriteteve që kanë bërë me Google, Amazon dhe Nvidia. Në të njëjtën kohë, do të prezantohet strategjia e Volvosë për të ardhmen e makinave elektrike, si dhe sistemit autonom të vozitjes. /Telegrafi/