Kandidati për kryeministër nga Lëvizja Vetëvendosje, Albin Kurti dhe kandidatja për presidente Vjosa Osmani, kanë vizituar fabrikën e ëmbëlsirave “Embëlsira” në Ferizaj në kuadër të fushatës zgjedhore. Punëtorët e kësaj fabrike, për Kurtin dhe Osmanin kanë përgatitur edhe një ëmbëlsirë me numrin 127, numër ky të cilin Lëvizja Vetëvendosje e mban në fletëvotimin e zgjedhjeve të 14 shkurtit. Kurti para punëtorëve premtoi forcim të ekonomisë e treg më të mirë te punës. Ai premtoi punësim për rininë që të mos ik nga Kosova. Tha se do të këtë banim të përballueshëm për çiftet e reja, shtesa prej 20 eurosh për fëmijët deri në moshën 2 vjeçare, ndërsa për ata deri në moshën 16, shtesa prej 10 eurosh. Image     Burimi: KOHA