Muhamet Çerkini, Salih Hetemi, Vëllaznim Bislimi, Hetem Hajdari, Halit Morina, Adnan Rudari, Xhavit Hajdari, Agim Shijaku. Ulur: Sami Çerkini, Mustafë Bislimi, Mexhit Zaskoku, Xhavit Hajdari, Gursel Raçi, Ramiz Krasniqi.
Kur kthen kujtesën në vitet e 80-ta, gjithsesi se dikush dëshpërohet dhe nervozohet kur e sheh hendbollin e viteve të sotme! Në vitet e 80-ta lulëzonte hendbolli në Kosovë sidomos në qytetin e Ferizajt, kur ish Borci garonte në elitën e hendbollit të ish Jugosllavisë, shtet që nuk ekziston më. Përveç Borcit të asaj kohe ekzistonte edhe Borci II si dhe IMK Çeliku!
Sot kemi vetëm një klub në qendrën e hendbollit, KH Kastrioti! Ish kryetari i KH IMK Çeliku në vitet e 80-ta, Muhamet Çerkini, në profilin e tij në facebook, është shprehur kritikë. “Fatkeqësisht ka vite që hendbolli ferizajas është në krizë.
Muhamet Çerkini
Ferizaj më nuk është qendra e hendbollit. Në vitet e 80-ta ekzistonin tri klube të meshkujve e një prej tyre ishte IMK Çeliku i shuar”, shkruan Çerkini. Në fakt, sot KH Kastrioti do të ishte e rrugës që ta ketë KH Kastrioti II ose KH Kastrioti B, që do të ishte një forcë për skuadrën e parë. Mjerisht nuk ekziston sepse kriza e ka bërë të veten!
