Sot gjatë ditës është raportuar për tre largime nga Ferizaj, kurse tani vjen edhe i katërti. Futbollisti shkupjan, Bujamin Asani ka konfirmuar për “Gazetën Olle” që do të largohet nga skuadra në këtë merkato dimërore. 32 vjeçari në Kosovë erdhi nga Pobeda e Prilepit teksa për Ferizajin luajti në shumë pozita të ndryshme, si në mbrojtje e poashtu edhe në mesfushë dhe krah të sulmit. Ferizaj raportohet të jetë në probleme të mëdha financiare, me futbollistët që nuk kanë marrë rrogat tani e disa muaj e madje kjo nuk është hera e parë që ka ndodhur kjo gjë brenda vitit që po lëmë pas.