Shumë njerëz ankohen që nuk kanë kohë të mjaftueshme për me kry detyrat e tyre. Por në shumicën e rasteve problemi nuk është mungesa e kohës, por mënyra si përdoret ajo. Menaxhimi i kohës është aftësi që mësohet dhe përmirësohet me praktikë.

Hapi i parë është me ditë saktë çfarë don me arrit gjatë ditës. Kur dita fillon pa drejtim, koha shpërdorohet në gjëra të vogla dhe pa rëndësi. Një plan i thjeshtë me disa detyra kryesore e bën ditën shumë më të qartë.

Hapi i dytë është me i ndarë detyrat sipas rëndësisë. Jo çdo punë ka të njëjtën vlerë. Disa detyra sjellin rezultat të madh, ndërsa të tjerat vetëm e mbushin kohën. Fokusohu në ato që kanë ndikim real në punën dhe jetën tënde.

Hapi i tretë është me punu në blloqe kohe të fokusuara. Në vend që me punu gjithë ditën pa strukturë, puno 45–60 minuta me fokus të plotë në një detyrë, pastaj bëj një pushim të shkurtër. Kjo rrit përqendrimin dhe ul lodhjen.

Hapi i katërt është me e reduktu shpërqendrimin. Telefoni, rrjetet sociale dhe njoftimet e vazhdueshme e ndërpresin përqendrimin dhe e copëtojnë kohën. Gjatë orëve të punës, vendose telefonin në silent ose larg tavolinës.

Hapi i pestë është me mësu me thonë jo. Shumë njerëz e mbushin orarin me kërkesa të të tjerëve dhe nuk mbetet kohë për prioritetet e tyre. Duhet me ditë me refuzu gjërat që nuk të çojnë drejt qëllimeve të tua.

Hapi i gjashtë është me pasë kohë për pushim. Trupi dhe mendja kanë nevojë për rikuperim. Pa pushim të mjaftueshëm, produktiviteti bie dhe gabimet rriten. Pushimi është pjesë e punës, jo armik i saj.

Hapi i shtatë është me e mbyll ditën me një reflektim të shkurtër. Shiko çfarë ke arritur, çfarë mund të përmirësosh dhe çfarë duhet me bo nesër. Kjo të ndihmon me fillu ditën tjetër me më shumë qartësi.

Menaxhimi i kohës nuk do të thotë me u bo më i zënë, por me u bo më i fokusuar. Kur përdor kohën me mend, jo vetëm që arrin më shumë, por edhe e ndjen ditën më të lehtë dhe më të organizuar.