Shumë sipërmarrës nga Kosova përballen me një problem të njëjtë: Stripe nuk e mbështet direkt Kosovën si shtet për hapje të llogarisë. Megjithatë, ka mënyra legale dhe praktike për me përdor Stripe për biznes online, duke përdor shtete të mbështetura nga Stripe.

Në këtë artikull po i shpjegojmë 2 mënyrat më të përdorura nga sipërmarrësit shqiptarë për me hap Stripe dhe me pranu pagesa ndërkombëtare.

Mënyra 1: Paysera + Lituania

Kjo është mënyra më e shpejtë dhe më e thjeshtë për me fillu.

Paysera është një institucion financiar europian (EMI) që ofron llogari bankare me IBAN europian (LT – Lituani). Ky IBAN mund të përdoret për me lidh me Stripe.

Procesi funksionon kështu.

Së pari, hap një llogari në Paysera. Regjistrimi bëhet online dhe verifikimi bëhet me dokument identifikimi nga Kosova.

Pasi të hapet llogaria, ti merr një IBAN europian në Lituani.

Pastaj, gjatë hapjes së Stripe, zgjedh shtetin Lituani dhe vendos të dhënat e Paysera si bankë.

Në këtë mënyrë, Stripe do të pranojë aplikimin sepse po përdor një shtet të mbështetur dhe një IBAN europian.

Kjo metodë është më e shpejtë për freelancer, shitës online dhe biznese të vogla që duan me fillu shpejt.

Megjithatë, duhet pas kujdes që të dhënat e përdorura të jenë konsistente dhe në përputhje me termat e shërbimit.

Mënyra 2: E-Residency në Estoni + kompani + bankë + Stripe

Kjo është mënyra më profesionale dhe më afatgjate për ata që duan me ndërtu biznes serioz ndërkombëtar.

Estonia ofron programin e njohur “e-Residency”, që lejon të huajt me hap kompani europiane në mënyrë digjitale.

Procesi përfshin disa hapa.

Fillimisht aplikohet për e-Residency në Estoni. Pasi aprovohet, karta e e-Residency merret në ambasadë.

Pastaj hapet një kompani në Estoni (OÜ). Kjo kompani është ligjërisht biznes europian.

Hapi tjetër është hapja e një llogarie bankare biznesi në një bankë ose institucion financiar që mbështet kompani estoneze.

Pasi kompania dhe banka janë aktive, mund të hapet një llogari Stripe duke përdorur të dhënat e kompanisë estoneze dhe bankës.

Verifikimi i Stripe bëhet me dokumentet e kompanisë, ndërsa identiteti i pronarit mund të verifikohet me dokument personal nga Kosova.

Kjo mënyrë është ideale për:
biznese e-commerce
SaaS platforma
agjenci marketingu
projekte që targetojnë tregun ndërkombëtar

Cila mënyrë është më e mirë

Nëse je në fillim dhe don me testu një ide, Paysera + Lituania është mënyrë e shpejtë dhe me kosto më të ulët.

Nëse ke plan me ndërtu biznes serioz dhe me u rrit ndërkombëtarisht, e-Residency në Estoni është zgjidhje më profesionale dhe më e qëndrueshme.

Gjëra të rëndësishme që duhet me i ditë

Duhet gjithmonë me respektu rregullat e Stripe dhe të bankave.

Të dhënat që përdoren duhet të jenë reale dhe të sakta.

Duhet me deklaru të ardhurat dhe me respektu obligimet ligjore dhe tatimore.

Edhe pse Stripe nuk është direkt i disponueshëm në Kosovë, ka mënyra reale dhe të përdorura nga shumë sipërmarrës për me përdor këtë platformë.

Qoftë përmes Paysera dhe Lituanisë, apo përmes kompanisë në Estoni, mundësitë janë të hapura për çdo biznes që don me pranu pagesa online dhe me u rrit globalisht.

Me zgjedhjen e duhur dhe me një strukturë të mirë, Stripe mund të bëhet një nga mjetet më të fuqishme për zhvillimin e biznesit tënd online.