Ministrja e Arsimit, Shkencës, Teknologjisë dhe Inovacionit, Arbërie Nagavci, tha se e kanë prioritet vaksinimin e mësimdhënësve, megjithatë nuk dha një datë se kur do të realizohet një gjë e tillë.
Ajo tha se është Komiteti për vaksinim ai që do të bëjë publik gjithë planifikimin.
“Vaksinimi i mësimdhënësve është prioritet, por ju njoftoj se plani i vaksinimit, zbatimi i tij dhe komunikimi me publikun në lidhje me këtë plan është përgjegjësi e Komitetit për vaksinim. Ne jemi në kontakte, do të vaksinohen mësimdhënësit, por Komiteti për vaksinim do të bëjë publik gjithë planifikimin”, tha ajo.
Ndërkohë, që në Kuvendin e Kosovës është duke vazhduar debati parlamentar në lidhje me organizimin e arsimit në të gjitha nivelet në situatën e pandemisë COVID-19, seancë kjo që ka filluar rreth orës 10:00.
Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.
Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.