Loading...

Në bazat ushtarake amerikane në Erbil dhe Al Asad të Irakut janë duke punuar rreth 300 kosovarë. Siç mëson RTklive.com Ministria e Punëve të Jashtnme e Kosovës është në kontakt të vazhdueshëm me kosovarët që gjenden atje.

Fahri Goga, 41- vjeçar, nga Ferizaj, punëtor i kompanisë amerikane – KBR inc ka folur për “Indeksonline”. “Këtu punojmë afro 200 punëtorë nga Kosova, Maqedonia Veriore, Bosnja e Hercegovina… Që nga ora 21:30 të mbrëmjes së të martës e deri sot – kemi qenë të strehuar në bunkere… Jemi në gjendje gadishmërie, të veshur me ‘pancira’ dhe shlema… Fal zotit, të gjithë jemi shëndosh e mirë”, ka thënë ai.

Fahriu bënë vërejtje përse disa portale të cilat kanë shkruar se ka viktima në mesin e punëtorëve tanë. “Kjo më ka prekur…”, tha ai.

Për qytetarët e Kosovës që gjenden në Irak gjatë ditës ka folur edhe ministri në detyrë i Punëve të Jashtme, Behgjet Pacolli.

“Shumë qytetarë të Kosovës punojnë në bazat ushtarake amerikane dhe të koalicionit në Irak, përfshirë ato që kanë qenë shënjestër e sulmeve të mbrëmshme iraniane. Puna është duke vazhduar për të identifikuar të gjithë kosovarët, por informatat e para janë që dhjetëra kosovarë punojnë në këto baza.

Ministria e Punëve të Jashtme është në kontakt të ngushtë me autoritetet për të siguruar sigurinë e kosovarëve dhe në të gjitha kapacitetet tona ne do të ofrojmë ndihmën e nevojshme.
Deri më tani të gjithë kosovarët janë të sigurt dhe shendoshë e mirë”, ka shkruar ai.

Bëje LIKE dhe merr lajmin e fundit nga Ferizaj24:

Loading...



Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.