Këngëtari i njohur Besart Halimi, ka qenë shumë i përfolur javëve të fundit në media, sa i përket jetës private.
U tha se ai dhe bashkëshortja e tij po përjetojnë një krizë në martesë, gjë e cila doli të mos jetë e vërtetë.
Një lajm të tillë e ka mohuar edhe vet Besarti, ndërkohë që duket se mes çiftit raportet janë më se të shkëlqyera.
Këtë e vërteton edhe një fotografi e publikuar nga këngëtari në rrjetin social Instagram, ku shfaqet shumë i dashuruar pranë bashkëshortes.
Në fotografi, Besarti shihet teksa i jep një përqafim të ngrohtë bashkëshortes së tij, e cila duket shumë e lumtur në krahët e bashkëshortit.
Mesa duket, thashethemet e pavenda kanë ndërhyrë në jetën e çiftit, duke cenuar ndoshta më shumë se ç’duhet privatësinë e tyre.
Besarti ndërkohë ka qenë mjaft aktiv në muzikë, teksa vetëm pak javë më parë solli këngën e re “Shko”, në bashkëpunim me Armend Ramadanin. /Telegrafi/
[embedded content]
