Nderohet jeta dhe vepra e dëshmorit të kombit, Bilall Shala, gjatë ditës së sotme, kryetari i komunës së Ferizajt, Agim Aliu më bashkëpuntorë, veteranë të luftës së UÇK-së dhe dhjetëra qytetarë bën homazhe tek Varrezat e Dëshmorëve të Kombit të UÇK-së në përkujtim të dëshmorit të Kombit, Bilall Shala, në përvjetorin e rënies së tij.
Me këtë rast, i pari i Ferizajt, tha se familjet që i dhanë Kosovës, dëshmorët e lirisë janë fanarët tonë në udhën e drejtë të përparimit.
Edhe Kryetari i Shoqatës së Familjeve të Dëshmorëve, Gafurr Bytyçi çmoi lartë veprën e dëshmorit Bilall Shala për lirinë e Kosovës.
Me vendosjen e kurorave të luleve dhe përkuljen para lapidarit të Dëshmorëve të Kombit në Varrezat e Dëshmorëve të UÇK-së në Ferizaj, kanë përfunduar homazhet në nderim të jetës dhe veprës së dëshmorit në fjalë.
