vide 730x4401 560x416 - Aksidentohet kamioni ne dalje te autostrades ne Ferizaj, lendohet shoferi

Një person ka mbetur i lënduar pasi kamioni të cilin ai po e voziste është rrokullisur sot në dalje të autostradës “Arbën Xhaferi”, në fshatin Bibaj të Ferizajt.

Lajmin e ka konfirmuar zëdhënësi i Policisë, Bajram Krasniqi. Ai ka treguar se aksidenti ka ndodhur rreth orës 13:00.

“Ju njoftojë se sot rreth orës 13:20,ne autostradën ‘Arbën Xhaferi’ në dalje te autostradës për në fsh.Bibaj, Ferizaj, ka ndodh një aksident trafiku ku një kamioni është rrokullisur dhe është përplasur ne rrethojat e rrugës”, ka deklaruar Krasniqi.

“Si pasojë e kësaj rrethojat metalike kanë goditur një veturë e cila është dëmtuar. Shoferi i kamionit është i lënduar dhe është dërguar për tretman mjekësor”, ka thënë zëdhënësi i Policisë.