w 5 560x360 - Aksion i madh i Policisë në “Princesha Palace”, dënohen 223 persona

223 persona janë dënuar mbrëmë nga Policia e Kosovës në lokalin e muzikës ‘live’ në magjistralen Prishtinë-Ferizaj, “Princesha Palace”.

Zëdhënësi i Policisë për rajonin e Prishtinës, Agron Borovci i ka thënë se përveç pronarit, janë gjobitur edhe pjesëmarrësit.

“Drejtoria Rajonale e Policisë -Prishtinë, perveç përgjegjësive për garantimin e rendit dhe sigurisë publike, ka ushtruar edhe autorizimet e saj për ngritjen e nivelit të respektimit të masave anti-COVID.

Në kontekstin e kësaj, policia dhe inspektorët kompetentë kanë pasë informatë për organizim në lokalin që ju keni apostrofuar dhe që nga ora 20:00, pas vëzhgimit dhe verifikimit të informatës kanë ndërmarë veprime konkrete në atë lokacion, ku përveç pronarit, janë shqiptuar edhe gjoba për pjesëmarrësit (223 gjoba)”, ka thënë Borovci.

Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.