Prishtinë, 22 janar 2018 – Shefja e zyrës së Bashkimit Evropian në Kosovë, Nataliya Apostolova, ka thënë se Kosovës nuk do t’i vihen kushte të reja për liberalizimin e vizave, sepse ajo i ka plotësuar tashmë të gjitha kriteret e përcaktuara nga Komisioni Evropian.

“Më duhet të theksoj se nuk do të ketë më kushte të tjera sa i përket çështjes se liberalizimit të vizave dhe se Kosova tashmë i ka plotësuar të gjitha kriteret që i ishin caktuar”, ka thënë Apostolova për RTV21

Ajo ka thënë se tani çështja mbetet tek shtetet anëtare të Bashkimit Evropian, të cilat marrin vendime individualisht.

“Vitin e kaluar politika kosovare kishte shpallur data që liberalizimi i vizave do të ndodhte deri në fund të vitit. Përndryshe, duhet të them që Komisioni Evropian e ka kryer punën e vet, Parlamentit dhe Këshillit të Bashkimit Evropian i është dhënë rekomandimi. Tani topi është në oborrin e shteteve anëtare, të cilat duhet të marrin vendime, secila veç e veç”, ka thënë Apostolova. (r.m.)

Bëje LIKE dhe merr lajmin e fundit nga Ferizaj24:

Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.