komuna e shterpces 780x439 1 780x4391 1 560x416 - Arrestohen dhjetë zyrtarë në Shtërpcë, në mesin e tyre edhe ish kryetari i komunës Bratislav Nikoliq

Prokuroria Themelore në Ferizaj ka njoftuar se ka arrestuar ish kryetarin e Komunës së Shtërpcës, Bratislav Nikoliq dhe nëntë zyrtarë tjerë gjatë aksionit për ndërtime pa leje.

Në njoftim thuhet se aksioni është duke vazhduar në Komunën e Shtërpcës, transmeton Telegrafi.

Nikoliq që nga viti 2009 ishte kryetar i Komunës së Shtërpcës, ai është anëtar i Listës Serbe.

“Prokuroria Themelore në Ferizaj, ju njofton se me urdhër të saj dhe në koordinim të plotë me Policinë e Kosovës -Drejtorinë e Krimeve të Rënda në Prishtinë janë duke e zhvilluar një aksion në komunën e Shtërpcës.

Lidhur me këtë aksion deri më tani me urdhër të Prokurorit të Shtetit, janë arrestuar dhjetë (10) persona të dyshuar, në mesin e tyre edhe ish kryetari i komunës së Shtërpcës, drejtori i Urbanizmit, disa zyrtar të tjerë dhe pronar të firmave, për shkak të dyshimit të veprave penale ‘Marrja e ryshfetit’, ‘Dhënia e ryshfetit’ dhe ‘Keqpërdorimi i pozitës apo autoritetit zyrtar’ të Kodit Penal të Republikës së Kosovës (KPRK)”, thuhet në njoftimi.

Tutje, Prokuroria njofton se pas përfundimit të operacionit do të bëhen publike edhe detaje tjera.

Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.