avril lavigne rikthehet me kenge te re pas pauzes pesevjecare 560x416 - Avril Lavigne rikthehet me këngë të re pas pauzës pesëvjeçare

Këngëtarja e famshme kanadeze, Avril Lavigne, është rikthyer në skenën muzikore me këngën “Head Above Water”.

Kënga e saj e re do të jetë pjesë e albumit të gjashtë me radhë, i cili do të publikohet në vitin e ardhshëm.

Projektin e ri muzikor, Lavigne e ka shoqëruar me videoklip, regjinë e të cilit e ka bërë Elliott Lester.

“Head Above Water” flet për luftën e këngëtares me sëmundjen Lyme, e cila kishte bërë që karriera e saj muzikore të ngecë.

[embedded content]

Kujtojmë që në një letër të hapur drejtuar fansave, 34-vjeçarja kishte thënë se i ka kaluar vitet më të këqija dhe e ka zhvilluar luftën më të vështirë në jetë.

Albumin e fundit, këngëtarja e kishte lansuar në vitin 2013, ndërsa vetëm dy vite më pas u diagnostikua me sëmundjen Lyme.

Lexo po ashtu:

“Kam kaluar vite duke luftuar ndaj kësaj sëmundjeje të ligë. Në një moment më është dashur ta pranoja vdekjen dhe mundja ta ndjeja sikur më shuhej trupi”.

“Dukej sikur po mbytem, po fundosem dhe më duhej të dilja në sipërfaqe dhe të merrja ajër. Sikur të isha në një lumë dhe rryma më tërhiqte teposhtë, ndërsa aq shumë kisha nevojë për frymëmarrje”, kanë qenë fjalët e saj.

avril lavigne rikthehet me kenge te re pas pauzes pesevjecare - Avril Lavigne rikthehet me këngë të re pas pauzës pesëvjeçare

Avril Lavigne gjatë një performance në Korenë e Jugut (Foto: Chung Sung-Jun/Getty Images/Guliver)

Njëherësh, përmes letrës, këngëtarja ka dashur që ta ngrejë edhe vetëdijen e njerëzve për këtë sëmundje të rëndë.

“Një pickim i thjeshtë i një insekti mund t’jua shkatërrojë jetën. Njerëzit nuk e kuptojnë se kjo sëmundje duhet të mjekohet menjëherë”, ka thënë Lavigne.


Sëmundja Lyme, e cila njihet edhe si Borreliosa Lyme, është një sëmundje infektive e shkaktuar nga llojet e bakterit Borrelia (Borrelia burgdorferi, Borrelia afzelii e Borrelia garinii) që bartet me anë të rriqrave. Shenja më e shpeshtë e infeksionit është një zonë e gjerë e skuqur e lëkurës që quhet ‘erythema migrans’, e cila paraqitet përreth vendit të pickimit nga rriqrat. Sëmundja mund të shkaktojë një sërë problemesh fizike dhe mendorë nëse nuk mjekohet me kojë. Mjekohet kryesisht me antibiotikë, ndërsa shërimi mund të zgjasë disa muaj, por edhe vite.


/Telegrafi/

Bëje LIKE dhe merr lajmin e fundit nga Ferizaj24:

Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.