Loading...

Skuadra e Ferizajt, pasi u privatizua duke rënë në duart e pronarëve anglez, ka konfirmuar se nga dita e nesërme do t’i nis përgatitjet për edicionin e ri, shkruan Zëri.info.

VIDEO

Ferizaj ka njoftuar se përgatitjet nisin nga ora 17:00 megjithatë nuk ka dhënë asnjë informacion se kush do t’iu prijë stërvitjeve.

Ditë më parë trajneri Bylbyl Sokoli që e udhëheqi Ferizajn në edicionin e kaluar, pati thënë se ende nuk ka marrëveshje, derisa ka kritikuar për vonesën për fillimin e stërvitjeve.

“Nesër skuadra jonë do të fillojë stërvitjet për sezonin e ri. Stërvitjet do të fillojnë prej orës 17:00 tek stadiumi me bari sintetik (Mbrapa Salles se Sportit Bil Clinton). Në stërvitje nesër do të jenë shumica e futbollistëve që ishin pjesë e klubit tonë edhe në sezonin e kaluar. Nesër fillojmë me përgatitje që të jemi sa më të organizuar për sezonin e ri. Ndërsa gjatë ditëve në vazhdim do të prezantojmë edhe disa përforcime të reja, të cilët janë të njohur për futbollin vendor”, thuhet në njoftimin e Ferizajt.

Meqenëse Ferizaj do t’i fillojë nesër stërvitjet, Zëri.info ka kontaktuar me trajnerin Bylbyl Sokolin, për të mësuar nëse ai ka arritur ndonjë marrëveshje me klubin.

Megjithatë, trajneri i mirënjohur kosovar thotë se për fillimin e stërvitjeve të skuadrës as që është i informuar.

“Nuk jam i informuar për këtë”, tha shkurt Sokoli.

Bëje LIKE dhe merr lajmin e fundit nga Ferizaj24:

Loading...



Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.