ea31cfe4 6906 4c10 90ac ccdde5bb03111 560x416 - Ferizaj fiton derbin e qytetit në hendboll ndaj Kastriotit

Ferizaj e ka fituar derbin e qytetit të hendbollit ndaj Kastriotit. Ndeshja e javës së 16-të të Superligës së Kosovës në hendboll në konkurrencë të femrave, ka përfunduar 23-21 në të mirë të kampionit aktual, Ferizajt.

Pas pjesës së parë epërsia për Ferizajn ishte edhe më thellë, 14-9. Bjondina Ramabaja udhëhoqi Ferizajn me 8 gola. Mimoza Sefedini shtoi 6 gola për Ferizajn.

Ndërkohë, Adriana Salihu ishte më efikasja te Kastrioti me shtatë gola. Pesë gola i realizoi Puhiza Gashi.

Me fitore, Ferizaj e ka zhvendosur Kastriotin në vendin e pestë. Tani Ferizaj është i katërti me 22 pikë kurse Kastrioti ka një më pak.

Lideri, Istogu ka shënuar edhe fitoren e 16-të rresht derisa befasi nuk ka lejuar as Vushtrria. Istogu e mposhti KEK-un, kurse Vushtrria fitoi ndaj Dritës. Ndeshjen mes Shqiponjës dhe Samadrexhës e ka fituar skuadra gjakovare me 42-37.

Nesër janë ndeshjet Vëllaznimi – Prishtina dhe Vjosa – Jusuf Gërvalla.

Bëje LIKE dhe merr lajmin e fundit nga Ferizaj24:

Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.