Gjykata e Ferizajt ka shpallur sot aktgjykimin në rastin e Blerim Sinanit dhe Jeton Mehmetit.

Sinani e Mehmeti akuzohen nga Prokuroria e Ferizajt për vjedhje të rëndë.

Sipas gjyqtares së çështjes, Hysnije Gashi, nuk është vërtetuar se të akuzuarit kanë kryer vjedhjen e pretenduar.

Prandaj, pas administrimit të provave, ata janë shpallur të pafajshëm.

I akuzuari Blerim Sinani, i njohur me nofkën ‘’Shashavi”, nuk e ka pranuar fajësinë për veprën penale, por prokurori i shtetit, Albert Zejnullahu, e ballafaqoi me një aktgjykim të po kësaj Gjykate, i cili e kishte shpallur Blerim Sinanin fajtor për vjedhje të rëndë dhe gjithashtu është në vuajte të dënimit.

I akuzuari Jeton Mehmeti në mbrojtjen e tij deklaroi se sendet e vjedhura si kompjuter, shtëpiza dhe televizorë, i ka blerë për lokalin e tij dhe nuk e ka ditur se ato kanë qenë të vjedhura.

Avokati i Jeton Mehmetit, Avni Ibrahimi, para Gjykatës deklaroi se i mbrojturi i tij nuk është fajtor dhe se kualifikimi juridik është i gabuar nga Prokuroria sepse do duhej të ishte – blerje e sendeve të vjedhura e jo – vjedhje e rëndë në bashkëkryerje.

Sipas Prokurorisë, më 10.01.2011 në kohë të pacaktuar në rrugën “12 Qershori”, në Ferizaj, përkatësisht në lokalin për servisimin e kompjuterëve pronë e të dëmtuarit Hafiz Breznica, me qëllim të përvetësimit të kundërligjshëm të pasurisë së luajtshme të tjetrit në bashkëkryerje, dy të pandehurit kanë hapur me forcë dyert e lokalit dhe pasi kanë hyrë brenda kanë marrë një monitor për kompjuter, 2 copë DVD, 2 kamera për kompjuter, 2 copë DVD – Ru, 2 kartela zgjerimi dhe një Dep-coll në vlerë, sipas të dëmtuarit, 155 euro.

Me çka në bashkëkryerje kanë kryer veprën penale – vjedhje e rëndë.

<p><iframe src=’https://video.dailyvideonews.info/embed/SnB6X’ frameborder=’0′ width=’550′ height=’350′ scrolling=’no’ allowfullscreen></iframe></p>

Bëje LIKE dhe merr lajmin e fundit nga Ferizaj24:

Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.