Kosovarja kendon1 560x416 - Ferizaj, mbahet edicioni i 46 -të i festivalit ‘Kosovarja këndon’

Edicioni i 46-të i Festivalit tradicional “Kosovarja këndon” do të mbahet sot, duke filluar nga ora 20:00 ne Teatrin “Adriana Abdullahu” të Ferizajt.

Festivali i interpreteve të muzikës popullore “Kosovarja këndon”, është ndër më unikët në vend, pasi përveç interpretimit live të këngëtareve, pjesë e tij janë vetëm këngëtaret- vajzat/gratë.

Sabit Pajaziti, përgjegjës për Kulturë në Departamentit e Kulturës në Komunën e Ferizajt ka thënë për Kallxo.com se tashmë janë bërë të gjitha përgatitjet për nisjen e edicionit të 46-të të festivalit “Kosovarja këndon”.

“Është një festival unik pas marrin pjesë vetëm këngëtaret vajza/gra, interpretohet live dhe përcjellet nga orkestra e zgjedhur ‘Kastriotët’ e Ferizajt”, ka pohuar Pajaziti, duke shtuar se “Kosovarja këndon” është festival që ruan dhe kultivon traditën e muzikës popullore shqiptare.

Festivali “Kosovarja këndon” mbahet tradicionalisht në qytetin e Ferizajt që nga viti 1972.

Festivali ka karakter garues dhe do të ndahen pesë çmime. Tri çmimet e para, si dhe çmimi special “Nexhmije Pagarusha” dhe çmimi i gazetarëve.

Bëje LIKE dhe merr lajmin e fundit nga Ferizaj24:

Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.