prelez 780x4391 560x416 - Filloi asfaltimi i segmentit të rrugës nacionale Prelez i Jerlive – Ferizaj

Zëvendësministri i Infrastrukturës, Rexhep Kadriu, me bashkëpunëtorë, mori pjesë në asfaltimin e segmentit të rrugës Prelez i Jerlive – Ferizaj, pjesë e rrugës nacionale N2, Prishtinë -Ferizaj.

Ky segment rrugor tejet i frekuentuar po asfaltohet në kuadër të mirëmbajtjes së rrugëve dhe ka gjatësi mbi 1 kilometër, kurse gjerësia e saj është 7.5 metra.

Zëvendësministri Rexhep Kadriu, u njoftua nga afër me punimet në rehabilitimin e kësaj rruge, e cila sot ka filluar së asfaltuari, ndërsa nga kompania e mirëmbajtjes ka kërkuar që krahas cilësisë, të jenë të shpejtë dhe efikas, në mënyrë që të evitohen kolonat e gjata në trafik.

Ministria e Infrastrukturës në vazhdimësi është duke ndërhyrë në rrugët ekzistuese të cilat janë të dëmtuara, në mënyrë që qytetarëve tanë t’u ofrohet infrastrukturë moderne dhe më e sigurt.

Bëje LIKE dhe merr lajmin e fundit nga Ferizaj24:

Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.