Ferizaj ka bërë mrekulli duke marrë gjashtë fitore radhazi në elitën e futbollit kosovar.

Kësisoj skuadra e udhëhequr nga Bylbyl Sokoli ka arritur që nga pozita e 11-të të zë vendin e pestë dhe ta sigurojë matematikisht mbijetesën.

Njëri nga lojtarët më meritor në këtë sukses të Ferizajt ishte sulmuesi Dren Gashi, që ka thënë se skuadra e tij synon ta marrë fitoren e shtatë radhazi.

“Do të jetë një ndeshje mjaftë e rëndësishme për ne, pasi që do të tentojmë të marrim edhe fitoren e shtatë radhazi dhe t’i gëzojmë tifozët tanë pasi luajmë në shtëpi”, u shpreh Gashi për Telegrafin.

Sulmuesi prishtinas ka thënë se skuadra e tij kërkon që këtë fitore ta arrijë për ta siguruar pozitën e pestë në tabelë.

“Kemi organizuar një festë rreth sukseseve tona të fundit ku shumë pak kanë besuar se Ferizaj do të arrijë këtë pozitë. Synimi ynë fillimisht ka qenë barazhi por në vazhdimësi ndryshoi gjithçka dhe për këtë arsyeje jemi të kënaqur të gjithë dhe duam ta mbajmë këtë pozitë”, u shpreh sulmuesi këmbëshpejtë.

Krejt në fund Gashi ka zbuluar se kanë premia nga kryesia e klubit nëse e arrijnë edhe fitoren e shtatë radhazi.

“Po do të kemi premia nga kryesia nëse arrijmë ta fitojmë ndeshjen. Shpresoj që të gjithë ta japim maksimumin, të luajmë lojën tonë dhe të mos mirremi me tëtjerët, ta marrim edhe këtë ndeshje si finale si ndeshjet e kaluara”, përfundoi Gashi.

Bëje LIKE dhe merr lajmin e fundit nga Ferizaj24:

Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.