Mike Izzard po gërmonte në afërsi të shinave të trenit në Herfordshire të Anglisë, ku për tri vite punon si vullnetar, kur hasi në diçka të butë në dheun që po e përgatiste për të mbjellë lule.
Fillimisht, 45-vjeçari e gjeti një monedhë të vogël, pastaj shtatë tjera me vlerë më të madhe dhe një çelës, para se ta nxirrte në tërësi objektin nga lëkura, transmeton Telegrafi.
Brenda e gjeti një çek të Midlan Bank, si dhe një kartelë që mbante emrin e Angela Diamond.
Kthimi i çantës te pronarja
Pasi postoi në rrjetet sociale fotografitë me gjërat që gjeti, u lajmërua pronarja që jetonte në atë zonë, afro katër kilometra ku edhe u gjend çanta.
“Duket si ndonjë skripte filmash, se jo vetëm që e gjeta pronaren, por edhe ia dorëzova në të njëjtën ditë”, ka thënë Izzard.
Momenti kur e gjeti në tokë
Angela, tani 63-vjeçare e di ditën e saktë kur ia vodhën çantën, madje ende rrëqethet, pasi ishte frikësuar së tepërmi.
“Dikush doli prej shkurreve dhe më shtyu fuqishëm, pasi u rrëzova ma vodhi çantën dhe iku. Isha vetëm dhe kisha shumë frikë”, ka thënë ajo.
Megjithatë, ndjehet mirë që dikush e gjeti sërish dhe gjeti mundimin t’ia kthente, megjithëse ka kaluar shumë kohë e gjatë. /Telegrafi/
Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.
Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.