4 71 560x416 - Gjimnazi “Shaban Hashani” në Ferizaj përfiton donacion nga Kompania IPKO

Kompania IPKO ka zgjedhur që të investoj në dyert e Gjimnazit “Shaban Hashani”, donacion ky shumë i mirë se ardhur për drejtuesit e arsimit në Ferizaj.

Me këtë rast, drejtori i Drejtorisë së Arsimit në Ferizaj, Afrim Llabjani është shprehur falënderues ndaj kësaj kompanie për investimet e bëra nëpër shkollat e Ferizajt.

“Ne do t’i jemi falënderues dhe mirënjohës kompanisë IPKO, duke besuar se do ta vazhdojmë bashkëpunimin e tillë, sepse kjo na krijon mundësi më të mira për të pasur një proces sa më të rregullt edukativo-arsimor”, është shprehur drejtori Llabjani.

Nga ana tjetër, Arianit Duraku, drejtor i shitjes në Kompaninë IPKO, ka thënë se përzgjedhja e Gjimnazit “Shaban Hashani”, për të investuar është bërë në kuadër të bashkëpunimit të mirë që ka Komuna e Ferizajt me Kompaninë IPKO.

“Kjo është zgjedhur për hir të relacionit të mirë që kemi me Komunën e Ferizajt, me Kryetarin, edhe në të kaluarën kemi pasur projekte të tilla dhe kemi bërë edhe ndërtimin e shkollave normalisht në kuadër të mundësive që kemi si kompani. Investimi i fundit ka qenë në dhjetor të vitit 2017, kemi blerë pajisje për Qendrën e Mjekësisë Familjare në Ferizaj kurse kjo kërkesë ka ardhur nga Drejtoria e Arsimit e Komunës së Ferizajt. Kompania IPKO do të interesohet që edhe në të ardhmen do të ndihmojë Komunën e Ferizajt në projekte të ndryshme që shërbejnë në të mirë të qytetarëve të Ferizajt”, tha Duraku.

Vlera e investimeve në këtë shkollë është 2,500 euro.

Bëje LIKE dhe merr lajmin e fundit nga Ferizaj24:

Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.