Biskotat serbe ‘Noblice’ u ilustruan si një produkt vendor në një prej marketeve kosovare.

Burime të KALLXO.com kanë dërguar fotografi të rastit të cilin e evidentoi edhe Inspektorati i Ministrisë së Tregtisë.

Në një inspektim në marketin ‘Super Viva’ në Prishtinë, inspektorati gjeti se flamuri i Kosovës është vendosur afër çmimit të produktit që nuk ishte prodhim vendor.

Lidhur me këtë inspektorati ka shkruar proces të inspektimit dhe pritet të mirret vendimi nëse ky market do të gjobitet.

KALLXO.com ka kontaktuar me marketin ‘Super Viva’ në numrin e telefonit të paraqitur në raportin e inspektoratit.

Në telefon u përgjigj një zyrtare e këtij marketi e cila nuk pranoi të tregojë identitetin e saj.

Ajo në pyetjet tona pranoi se në market është bërë një gabim dhe tha se po presin vendimin e inspektoratit.

“Nuk është vendosur flamuri gabim por është bërë një ndryshim në raft dhe është harruar. Nuk kanë marrë naj vendim por vetëm ma ka shkru një process dhe vendimin nuk ma kanë kthy hala. Ma kanë shkru procesin e kanë qu atje por vendim s’kemi hala. Kom bo gabim se është harru po çka me bo, kam gabu”, tha zyrtarja e këtij marketi.

Bëje LIKE dhe merr lajmin e fundit nga Ferizaj24:

Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.