w 17 560x416 - Inspektorati në Ferizaj inspekton shkollat me qëllim të rritjes së higjienës

Inspektorati i Komunës së Ferizajt ka nisur një aksion për t’i monitoruar dhe inspektuar institucionet shkollore me qëllim të rritjes së higjienës dhe parandalimin e përhapjes së pandemisë Covid19.

Në disa shkolla inspektorët sanitar kanë shqiptuar vërejtje dhe kanë kërkuar nga drejtorët e shkollave t’i angazhojnë më shumë punonjësit teknik të mirëmbajtjes.

Rreth çështjes së mungesës së higjienës në disa shkolla ka pasur ankesa edhe nga vet prindërit e nxënësve. Me gjendje më të rëndë po vazhdon të mbetet objekti i shkollës Fillore “Gjon Serreçi” derisa komuna ka planifikuar ta rrënoi atë shkaku i vjetërsisë.

Enver Sopa, inspektor Sanitar në Komunën e Ferizajt, ka thënë për KOHËN se në përgjithësi gjendja e higjienës nëpër shkolla është mjaftë e mirë në përjashtim të disa rasteve. Sipas tij, monitorimi i këtyre institucioneve do të vazhdoi edhe gjatë ditëve në vazhdim.

“Jemi duke i inspektuar institucionet shkollore me qëllim të rritjes së higjienës dhe pastërtisë në përgjithësi brenda objekteve shkollore. Kjo për shkak të ruajtjes së shëndetit të nxënësve. Sidomos edhe banjat sanitare jemi duke i inspektuar. Në disa raste kemi sugjeruar drejtorët për t’i angazhuar më shumë mirëmbajtësit e objekteve shkollore sepse komuna i ka furnizuar të gjitha objektet shkollore me materiale higjienike po ashtu edhe me dezinfektues dhe materiale tjera shpenzuese”, ka thënë midis të tjerash Sopa.

Sipas tij, rekomandimet e inspektoratit edhe në të kaluarën janë shqyrtuar dhe janë përfillur me përgjegjësi nga drejtorët e shkollave.

“Sa i përket gjendjes më të rëndë e kemi në shkollën e vjetër të objektit ‘Gjon Serreçi’, mirëpo ky objekt do të rrënohet nga komuna për shkak të vjetërsisë, andaj edhe këtë vit shkollor do ta kalojnë nxënësit dhe personeli në ato kushte, por ne kemi sugjeruar që niveli i higjienës të rritet sa më shumë”, ka shtuar ai.

Bëje LIKE dhe merr lajmin e fundit nga Ferizaj24:

Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.