Njësiti i hetimeve të Stacionit Policor Ferizaj në bashkëpunim me hetuesit e Stacionit policor Mitrovicë, kanë arrestuar sot në Mitrovicë një person të dyshuar në lidhje me dy raste të vjedhjeve të rënda, si dhe dy raste vjedhje e veturës, të raportuara në Ferizaj dhe rrethinë.

Sipas njoftimit të Policisë, ekziston dyshimi i bazuar se personi K.H. 19 vjeçar, në periudhën kohore prej 26 deri 30.06.2019,në Ferizaj dhe rrethinë ka kryer disa vepra penale.

“Me 21.06.2019, duke përdorur mjete të forta ka depërtuar në xhamitë në Ferizaj dhe në fshatin Doganaj,ku nga aty ka vjedhur një shtëpizë kompjuteri,një Llaptom dhe pajiset tjera përcjellëse.

Me 28.o6.2019 në Ferizaj,vjedhje e automjetit, ’Jeta’’

Me 30.06.2019 gjithashtu në Ferizaj vjedhje e automjetit ‘Golf II’”, thuhet në njoftim.

Sipas Policisë, automjetet e vjedhura janë gjetur dhe konfiskuar,një në Mitrovicë dhe tjetra në Prishtinë, kurse pas përfundimit të procedurave ligjore ju kthehen pronarëve.

Gjatë intervistimit, në prani të avokatit, i dyshuari i lartshënuar i ka pranuar në tërësi veprat e kryera.

Me urdhër të prokurorit, të dyshuarit i është shqiptuar masa e ndalimit policor prej 48 orëve dhe i njëjti është dërguar në qendrën e mbajtjes në Ferizaj.

Bëje LIKE dhe merr lajmin e fundit nga Ferizaj24:

Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.